അമേരിക്കൻ നടി ലൊറേറ്റ സ്വിറ്റ് അന്തരിച്ചു

വാഷിംഗ്ടൺ: അമേരിക്കൻ ടെലിവിഷൻ, നാടക നടി ലൊറേറ്റ സ്വിറ്റ് (87) അന്തരിച്ചു. വെള്ളിയാഴ്ച ന്യൂയോർക്ക് സിറ്റിയിലെ വസതിയിൽ വാർദ്ധക്യ സഹജമായ രോഗങ്ങളെ തുടർന്നായിരുന്നു അന്ത്യം. ജനപ്രിയ സീരീസായ മാഷിലൂടെ (1972-1983) ശ്രദ്ധനേടിയ ലൊറേറ്റ രണ്ട് എമ്മി പുരസ്കാരങ്ങൾ നേടി. നാല് തവണ ഗോൾഡൻ ഗ്ലോബ് നോമിനേഷൻ നേടി. ദ മപ്പറ്റ് ഷോ, മിഷൻ: ഇംപോസിബിൾ, മർഡർ; ഷീ റോട്ട് തുടങ്ങി നിരവധി ടി.വി സീരീസുകളിലും ഷോകളിലും പ്രത്യക്ഷപ്പെട്ടു. ഏതാനും സിനിമകളിലും അഭിനയിച്ചു.