സവർക്കർ കേസിൽ വിശദ വാദത്തിന് രാഹുലിന് അനുമതി

പുണെ∙ സവർക്കറെ അപകീർത്തിപ്പെടുത്തിയെന്ന് ആരോപിക്കുന്ന കേസിൽ ലോക്സഭാ പ്രതിപക്ഷ നേതാവ് രാഹുൽ ഗാന്ധിക്ക് വിശദ വാദം സമർപ്പിക്കാൻ പുണെ പ്രത്യേക കോടതി അനുമതി നൽകി. വിചാരണയുടെ സ്വഭാവം മാറ്റണമെന്ന് ആവശ്യപ്പെട്ട് രാഹുൽ നൽകിയ ഹർജി കോടതി അംഗീകരിച്ചു. ഇതോടെ, ചരിത്ര രേഖകളുടെ അടിസ്ഥാനത്തിൽ വിശദമായി വാദിക്കാനാവും. ലണ്ടനിലെ രാഹുലിന്റെ പ്രസംഗത്തിന്റെ ഉള്ളടക്കം പരാതിക്കാരനായ സവർക്കറുടെ സഹോദരന്റെ കൊച്ചുമകൻ സത്യകി സവർക്കർ തെളിയിക്കണമെന്നും കോടതി പറഞ്ഞു. ഈ മാസം 25ന് കേസിൽ വിശദമായി വാദം കേൾക്കും. 


Source link