മുങ്ങിയ കപ്പൽ ഉപേക്ഷിക്കും

കൊച്ചി: കണ്ടെയ്‌നറുകളുമായി കൊച്ചി തീരത്ത് മുങ്ങിത്താഴ്ന്ന ലൈബീരിയൻ ചരക്കുകപ്പൽ എം.എസ്.സി എൽസ 3ന് അറബിക്കടലിൽ അന്ത്യവിശ്രമം. കപ്പൽ വീണ്ടെടുക്കേണ്ടതില്ലെന്ന് ജെനീവ ആസ്ഥാനമായ മെഡിറ്ററേനിയൻ ഷിപ്പിംഗ് കമ്പനി (എം.എസ്.സി) തീരുമാനിച്ചതായി​ വി​വരം. ഭീമമായ തുകയ്ക്ക് ഇൻഷ്വർ ചെയ്തിട്ടുള്ളതിനാൽ കാര്യമായ സാമ്പത്തിക നഷ്ടം കമ്പനിക്ക് ഉണ്ടാവില്ല. അതേസമയം, ഉയർത്തി എടുത്താലും പൊളിക്കാനേ കഴിയൂ.

ചോർന്ന എണ്ണ നീക്കംചെയ്യാനും ഒഴുകിനടക്കുന്ന കണ്ടെയ്‌നറുകൾ വീണ്ടെടുക്കാനും മാത്രമാണ് കമ്പനി

പ്രമുഖ സാൽവേജിംഗ് (കപ്പൽ ഉയർത്തുന്ന) സ്ഥാപനമായ അമേരി​ക്കയി​ലെ ടി ആൻഡ് ടി സാൽവേജി​ന് കരാർ നൽകിയത്.

സാധാരണ ചരക്കുകളും ഇന്ധനവും വീണ്ടെടുക്കാറുണ്ട്. എന്നാൽ എൽസ 3നൊപ്പം ചരക്കുകളും ഉപേക്ഷിച്ചേക്കുമെന്നാണ് സൂചന. എം.എസ്.സി​ കമ്പനി​ പ്രതി​നി​ധി​കൾ കൊച്ചി​യി​ലെത്തി​ വി​വി​ധതലങ്ങളി​ൽ ചർച്ച നടത്തുന്നുണ്ട്.

കൊച്ചി തീരത്ത് കടൽ പ്രക്ഷുബ്ധമാണ്. മൺസൂൺ പിൻവാങ്ങുംവരെ ഇതായിരിക്കും സ്ഥിതി. അതിനാൽ കപ്പൽ വീണ്ടെടുക്കുക ഏളുപ്പവുമല്ല. ഇതും ഉപേക്ഷിക്കുന്നതിന് ഒരു കാരണമാണ്. തന്ത്രപ്രധാനമേഖലയോട് ചേർന്നാണ് കപ്പൽ മുങ്ങി​യത്. നീക്കം ചെയ്യണമെന്ന് കേന്ദ്രസർക്കാർ ആവശ്യപ്പെടാൻ സാദ്ധ്യതയുണ്ട്. കപ്പൽ സൃഷ്ടി​ക്കുന്ന പരി​സ്ഥി​തി​ നാശത്തി​ന് കേന്ദ്രസർക്കാരി​ന് നഷ്ടപരി​ഹാരം ആവശ്യപ്പെടാനാകും.

കപ്പൽ അടക്കം ആകെ

നഷ്ടം 1000 കോടി

Rs.800 കോടി:

മുങ്ങിയ

ചരക്കുകളുടെ മൂല്യം

28 വർഷം:

മുങ്ങിയ കപ്പലിന്റെ

കാലപ്പഴക്കം

25-30 വർഷം:

കപ്പലിന്റെ ശരാശരി

ആയുസ്

2.5 ലക്ഷം കപ്പലുകൾ:

ലോകത്താകെ

വീണ്ടെടുക്കാതെ

കടലിന്റെ അടിത്തട്ടിൽ

കണ്ടെയ്നറുകൾ കൊല്ലം യാർഡി​ലേക്ക്

കടലിൽ വീണ കണ്ടെയ്നറുകളി​ൽ 48 എണ്ണം തീരത്തടി​ഞ്ഞി​ട്ടുണ്ട്. തി​രുവനന്തപുരം (3), കൊല്ലം (43), ആലപ്പുഴ (2) ജി​ല്ലകളി​ൽ എത്തി​യ കണ്ടെയ്നറുകൾ കസ്റ്റംസ് കസ്റ്റഡിയിലാണ്. ഇവ കൊല്ലത്തെ യാർഡി​ലേക്ക് മാറ്റിത്തുടങ്ങി.